 |
| Photo Credit - Google |
ကျွန်မက မောင်နှင့်ပတ်သက်ပြီး
သံသယတွေနှင့် အမြဲကယောင်ချောက်ချားဖြစ်နေရသူပါ။ မောင့်ကို ချစ်မိသွားတဲ့အချိန်ကစပြီး
ကျွန်မနှလုံးသားမှာ စိုးရိမ်မှုတွေနှင့် ပြည့်နှက်နေခဲ့ရတာလေ။ ဒါတွေကို မောင် မသိပါဘူး။
သိအောင်လည်း ကျွန်မက ကျွန်မသံသယတွေကို အထင်အရှား ပြသခဲ့တာမှမဟုတ်တာ … တစ်ယောက်တည်း
သိုဝှက်ခံစားပြီး ဝေဒနာတွေ တိုးပွားနေခဲ့ရတာပါ။ တစ်ခါတလေ ခံစားမိတဲ့ သံသယတွေနှင့်အတူ
ကျွန်မ မောင့်ကို အတင်းအကြမ်း မေးမြန်းစူးစမ်းပစ်လိုက်ချင်ပါတယ်။ ဒါပေမယ့် ကျွန်မ မလုပ်ရဲခဲ့ဘူး
… မောင် ကျွန်မကို စိတ်ပျက်ငြိုငြင်သွားမှာ ကျွန်မ အင်မတန် စိုးရိမ်မိတယ်လေ။ ဒါကြောင့်လည်း
ကျွန်မရဲ့သံသယတွေကို မထုတ်ဖော်မပြသဘဲ ကျွန်မ နေနိုင်ခဲ့တာပါ။
ကျွန်မ
မောင့်ကို အရမ်းချစ်ပါတယ် … အချစ်ဦးဆိုတဲ့အတိုင်းလည်း ကျွန်မရဲ့အချစ်တွေကို မောင့်တစ်ယောက်တည်းကိုပဲ
ပုံပေးခဲ့တာပါ။ ဒါပေမယ့် မောင်နှင့်ကျွန်မ ချစ်သူတွေဖြစ်ပြီဆိုကတည်းက ကျွန်မအတွေးတွေထဲ
မသိမသာဝင်ရောက်လာခဲ့တဲ့ မယုံကြည်မှုသံသယတွေကြောင့် ကျွန်မမှာ ပူလောင်မှန်းမသိ ပူလောင်နေခဲ့ရတယ်။
ဒါကလည်း ကျွန်မ မောင့်ကို အရမ်းချစ်လို့ဖြစ်ရတာပါ။ နေ့စဉ်နှင့်အမျှ မောင် ကျွန်မကို
တကယ်ရောချစ်ရဲ့လား ဆိုတဲ့အတွေးကို ကျွန်မ အမြဲတွေးဖြစ်တယ်။ ရုပ်ရည်လှပမှုတစ်ခုတည်းနှင့်
ရည်းစားတော်ဖို့ မောင် ကျွန်မကို ချစ်ခဲ့တာလားလို့ သံသယဝင်မိတဲ့အထိပါပဲ။ မောင်ကိုယ်တိုင်ကလည်း
ရုပ်ရည်ချောမောသန့်ပြန့်သူတစ်ယောက်ဆိုတော့ ကျွန်မသံသယတွေ လိုတာထက်ပိုပြီး နိဒါန်းပျိုးနိုင်ခဲ့တာပေါ့။
#
- # - # - # - # - # - # - # - # - # -#
“ မောင် … ကျွန်မ မောင့်အကြောင်း
ကဗျာရေးထားတယ်သိလား . . . တစ်အုပ်တောင် ပြီးသွားပြီ မောင်ရဲ့”
“ ဟုတ်လား … ကြည်သာက မောင့်အကြောင်း
ဘာတွေများ ရေးထားတာလဲ ”
“ သိချင်ရင် ဖတ်ကြည့်ပေါ့
… ရော့ ”
မောင်နှင့် ချစ်သူစဖြစ်တဲ့နေ့ကစပြီး အသက်သွင်းခဲ့တဲ့ ကဗျာစာအုပ်လေးကို
ကျွန်မ မောင့်လက်ထဲ နှမြောတသခြင်းကင်းစွာ ပေးအပ်လိုက်ပါတယ်။ ကဗျာစာအုပ်လေးကို ကြည့်ပြီး
မောင်က ကြည်နူးစွာ ပြုံးပါတယ်။ မောင့်အပြုံးကိုကြည့်ပြီး ကျွန်မလည်း အတိုင်းမသိ ပျော်ရွှင်ကြည်နူးမိတယ်။
ကျွန်မက မောင်နှင့်ပတ်သတ်ရင် အသေးအမွှားကအစ အဖြစ်သည်းတတ်သူလေ။
ကဗျာစာအုပ်လေးပေးပြီးတဲ့နောက်မှာတော့
ကျွန်မ မောင့်ကို တစ်ခုတောင်းဆိုမိတယ်။ ကျွန်မအကြောင်း သီကုံးဖွဲ့ဆိုထားတဲ့ ကဗျာလေးတစ်ပုဒ်လောက်
ရေးပေးဖို့ပေါ့။ မောင်က အလွယ်တကူ ခေါင်းညိတ်ပါတယ်။ “ ရေးပေးမယ် ” တဲ့။ ကျွန်မ အတိုင်းအထက်အလွန်
ပျော်ရွှင်ရတော့တာပါပဲ။ သည်လိုနှင့် ကျွန်မ တောင်းဆိုပြီး နောက်တစ်ပတ်လောက်မှာ ကျွန်မအကြောင်း
ရေးသားထားတဲ့ ကဗျာလေးတစ်ပုဒ် … မောင် ကျွန်မကို
ပေးပါတယ်။ မောင့်ကဗျာလေးကိုဖတ်ပြီး ကျွန်မမှာ မျက်ရည်တွေ လည်လိုက်ရတာလေ။ ကဗျာထဲမှာက
မောင် ကျွန်မကို ပြောမပြတတ်အောင် ချစ်တဲ့အကြောင်းတွေ ရေးထားတာဆိုတော့ ကျွန်မ မျက်ရည်လည်လည်း
လည်ချင်စရာပါ။ နောက်မှ မောင် ပေးတဲ့ကဗျာက သူကိုယ်တိုင် ရေးထားတာမဟုတ်ဘဲ ကဗျာစာအုပ်တစ်အုပ်ထဲက
ကူးချထားတာကို ကျွန်မကိုယ်တိုင် သိလိုက်ရပါတယ်။ အဲသည့်အချိန်မှာ မောင် ကျွန်မကို တကယ်ရောချစ်ရဲ့လား
ဆိုတဲ့ မေးခွန်းက ကျွန်မရင်ကို ထိုးနှက်လှပါရဲ့။ ကျွန်မ ကြားဖူးတာတစ်ခု ရှိတယ်လေ။ လူတစ်ယောက်ဟာ
တကယ်ချစ်တတ်ပြီဆိုရင် ကဗျာဆရာတောင် ဖြစ်သွားတတ်တယ်ဆိုပဲ။ မောင်က သူချစ်တဲ့ကျွန်မအကြောင်း
ကဗျာတစ်ပုဒ်တောင် မရေးနိုင်ဘူးဆိုတော့ မောင် ကျွန်မကို တကယ်မချစ်လို့လား။
ကျွန်မလည်း
သံသယတွေနှင့် ရူးတော့မယ် ထင်ပါတယ်။ ရူးလည်းရူးလောက်ပါရဲ့ … ဖွင့်ပြောချင်နေတဲ့ ခံစားချက်တွေကို
မျိုသိပ်ထားရတာ ဝါသနာပါရင် ရူးလို့တောင် ရပါတယ်။ ကော်ဖီဆိုင်ထိုင်တိုင်းလည်း မောင်
ပြုလုပ်တတ်တဲ့အကျင့်တစ်ခုကြောင့် ကျွန်မသံသယတွေ တိုးဖွယ်ရာပါ။ ကော်ဖီဆိုင်ထိုင်တိုင်း
ကျွန်မ ဘာကော်ဖီသောက်ချင်လဲ မောင် မမေးဘူး။ သူ အရမ်းကြိုက်တဲ့ ဘလက်ကော်ဖီကိုပဲ နှစ်ခွက်စာ
မှာတတ်ပါတယ်။ မောင် ကျွန်မကို တကယ်မချစ်ဘူးနှင့် တူပါတယ်။ မောင်သာ ကျွန်မကို တကယ်ချစ်မြတ်နိုးတယ်ဆိုရင်
ကျွန်မအလိုကိုလိုက်ပြီး ကျွန်မကြိုက်တဲ့ကော်ဖီကို မှာပေးရမှာပေါ့။ အခုတော့ မောင့်ရဲ့ဘလက်ကော်ဖီကိုပဲ
မကြိုက်လည်း ကြိတ်မှိတ်ပြီး သောက်နေရပါတယ်။ ကျွန်မအဖြစ်က ဆိုးရွားလိုက်တာ။
#
- # - # - # - # - # - # - # - # - # -#
မောင်နှင့်ပတ်သက်ပြီး
ကျွန်မမှာ သံသယတွေ တစ်စစ တိုးပွားနေရပါတယ်။ ဘာကြောင့်လဲဆိုရင်တော့ ကျွန်မ အရင်အတိုင်းပဲ
ဖြေရပါလိမ့်မယ်။ ကျွန်မ မောင့်ကို အရမ်းချစ်လို့ … ကျွန်မ မောင့်ကို အဆုံးအရှုံးမခံနိုင်လို့။
အခုလည်း ကြည့် … မောင်က ကျွန်မကို ပြောနေပြီ။ ကျွန်မက လှလှပပတွေ ဝတ်စားထားလို့ တဲ့။
သူကျတော့ မင်းသားရှုံးအောင် ဝတ်စားထားပြီးတော့ ကျွန်မကျတော့ တော်ရုံတန်ရုံပဲ ဝတ်စားရမယ်
တဲ့။ မောင်က ကျွန်မကို မလှစေချင်ဘူးလား။ တကယ်တော့ ကျွန်မ အခုလို လှလှပပတွေ ဝတ်စားထားရတာကလည်း
မောင့်ကြောင့်ပါပဲ။ မောင့်မျက်လုံးထဲမှာ ကျွန်မကို အခြားမိန်းကလေးတွေနှင့် ယှဉ်လိုက်ရင်
နတ်သမီးတစ်ပါးလို မြင်စေချင်တဲ့အတွက်ကြောင့်ပါ။ ဒါက ကျွန်မရဲ့အတ္တဆိုရင်လည်း မောင် ကျွန်မကို
နားလည်စေချင်ပါတယ်။ မောင် ကျွန်မကို ထားရစ်ခဲ့မှာ စိုးရိမ်လို့ … ကျွန်မကို ထားခဲ့ပြီး
ကျွန်မထက် ချောမောလှပတဲ့ မိန်းကလေးတစ်ယောက်နှင့် မောင် တွဲခုတ်သွားမှာ စိုးရိမ်လို့ပါ။
ကျွန်မကို နားလည်ပါ မောင်ရယ်။
ကျွန်မက
မောင့်ကို အရမ်းချစ်လွန်းပါတယ်။ ချစ်လွန်းလို့လည်း ဘယ်ကိစ္စမဆို ကျွန်မဘက်က အမြဲတမ်း
အလျှော့ပေးခဲ့တယ်။ မောင်နှင့်ကျွန်မ ကော်ဖီဆိုင်မှာ ချိန်းထားတဲ့နေ့ကလည်း မောင်ကိုယ်တိုင်
ချိန်းပြီး မောင် ရောက်မလာခဲ့ဘူး။ အဲသည်အချိန်က မောင် ဘယ်ရောက်နေလဲဆိုတာ ကျွန်မ အရမ်းသိချင်မိတယ်။
ကျွန်မဆီ မလာဘဲ အခြားမိန်းကလေးတစ်ယောက်နှင့် အခြားတစ်နေရာမှာ ချိန်းတွေ့နေသလားဆိုပြီး
ကျွန်မမှာ ချောက်ချားလိုက်ရတာလေ။ သည်ကိစ္စနှင့် ပတ်သက်ပြီးလည်း ကျွန်မ မောင့်ကို စိတ်ဆိုးစိတ်ကောက်ချင်ခဲ့ပါတယ်။
ဒါပေမယ့် မောင်ဆိုတဲ့လူက ချော့တတ်တဲ့လူလည်းမဟုတ်တော့ စိတ်ဆိုးစိတ်ကောက်မှုတွေကို ကျွန်မ
မျိုသိပ်ထားခဲ့ရတယ်။ ဒါတွေကို မောင် သိမယ် မထင်ဘူးနော်။ မောင်က ကျွန်မ ဘာဖြစ်နေတယ်ဆိုတာထက်
မောင် ဘာဖြစ်နေတယ်ဆိုတာကို ပိုပြီးဦးစားပေးတဲ့လူစားမျိုးလေ။ ကျွန်မက “ မောင် ကျွန်မ
စိတ်ကောက်နေတယ် ” လို့ ဆိုမှ “ သြော် … စိတ်ကောက်နေတာလား ” တဲ့။ စိတ်ကောက်ရတဲ့ ကျွန်မကသာ
ငပေါမကြီး ဖြစ်ရတာပါ။ မောင် ကျွန်မကို တကယ်ရော ချစ်ရဲ့လားကွယ်။
နေ့စဉ်နှင့်အမျှ
ကျွန်မသံသယတွေ ထုထည်ကြီးမားလာခဲ့ပါတယ်။
#
- # - # - # - # - # - # - # - # - # -#
ကျွန်မသံသယတွေ
ထုလိုက်ထည်လိုက် ပြိုကျတဲ့နေ့ကတော့ မောင့်ဖုန်းထဲကို I Love You Forever ဆိုတဲ့ မတ်ဆေ့ခ်ျလေးတစ်စောင်ကို
ရောက်ရှိလာတဲ့နေ့ပါပဲ။ အဲသည့်နေ့က ကျွန်မတို့နှစ်ယောက် ကော်ဖီတစ်ဆိုင်မှာ ထိုင်နေရင်း
မောင် Toilet ထဲ ခဏဝင်နေတဲ့အချိန်မှာ မတ်ဆေ့ခ်ျလေးတစ်စောင် ရောက်ရှိလာတာပါ။ တွမ် တွမ်
ဆိုတဲ့ အသံလေးတစ်ခုကြောင့် ကျွန်မတောင် လန့်သွားရပါတယ်။ အသံလာရာကို ကြည့်လိုက်တဲ့အခါမှာ
မောင့်ဖုန်းလေးက မီးလင်းနေပြီး မတ်ဆေ့ခ်ျရောက်တဲ့အကြောင်း စာတန်းလေးကို တွေ့ရပါတယ်။
ကျွန်မလည်း ဖုန်းလေးကို ကောက်ကိုင်လိုက်ပြီး မတ်ဆေ့ခ်ျကို ဖွင့်ကြည့်လိုက်ပါတယ်။
I
Love You Forever တဲ့။ ကျွန်မတစ်ကိုယ်လုံး ကျဉ်စက်နှင့် အတို့ခံလိုက်ရသလို ခံစားလိုက်ရပါတယ်။
ဒါ ဘာသဘောလဲ ... မောင့်မှာ ကျွန်မအပြင် နောက်တစ်ယောက် ရှိနေတယ်ဆိုတဲ့ သဘောလား။ ကျွန်မရင်ဘတ်တစ်ခုလုံး
နာကျင်အောင့်မျက်နေပြီး မျက်ဝန်းမှာလည်း မျက်ရည်တွေ ခိုသီးလာပါတယ်။
ကျွန်မရဲ့သံသယတွေ
တကယ်ပဲမှန်နေပြီလား မောင်ရယ် … ။
အဲသည့်အချိန်မှာ
မောင် ပြန်ရောက်လာတယ်။
“ ကြည်သာ … စောင့်ရတာ ကြာသွားလား
၊ ဆောရီး ကြည်သာရယ် ”
ကျွန်မ မောင့်ရဲ့စကားကို ဘာတစ်ခွန်းမှ မတုံ့ပြန်မိတော့ဘဲ မောင့်လက်ထဲ
ဖုန်းကို ထိုးထည့်ပေးခဲ့ပြီး ကော်ဖီဆိုင်ထဲက ပြေးထွက်လာခဲ့ပါတယ်။ ကော်ဖီဆိုင်ရဲ့အပြင်
ရောက်တော့မှ ကျွန်မ အားရပါးရ ငိုကြွေးမိတယ်။ လုပ်ရက်လိုက်တာ မောင်ရယ် … ။ ကျွန်မမှာတော့
တစ်သက်မှာ တစ်ခါ ၊ တစ်ခါမှာ တစ်ယောက် ဆိုတဲ့ အချစ်မျိုးနှင့် မောင့်ကို ချစ်မြတ်နိုးလိုက်ရတာ
… မောင်ကတော့ ကျွန်မအပြင် နောက်တစ်ယောက် ရှိသေးသတဲ့။
“ ဘာမပြောညာမပြောနဲ့ ဆိုင်ထဲက
ဘာလို့ပြေးထွက်သွားရတာလဲ ကြည်သာရယ် ၊ ဟာ … ကြည်သာ ငိုနေတယ် ၊ ဘာဖြစ်လို့လဲ … မင်း ဘာဖြစ်လို့လဲ
”
ကျွန်မ မောင့်လက်ထဲက ဖုန်းကို လုယူလိုက်ပြီး I Love You
Forever ဆိုတဲ့ မတ်ဆေ့ခ်ျကို ဖွင့်ပြလိုက်ပါတယ်။
“ ဒါက ဘာလဲ မောင် ”
“ သြော် … ကြည်သာက ဒါကို
စိတ်ခုနေတာလား ၊ အထွေအထူး မဟုတ်ပါဘူး ကြည်သာရယ် ၊ မောင့်သူငယ်ချင်းတွေ လှမ်းနောက်လိုက်တာပါ
၊ သူတို့က မောင်နဲ့ကြည်သာ တည့်နေကြတာကို မနာလိုဖြစ်နေကြတာလေ … အဲ့ဒါ ”
“ တော်ရုံပဲ ရွှီးပါ မောင်ရယ်
… လုပ်ဇာတ်ကြီးက သိသာလွန်းပါတယ် ၊ ကျွန်မ မယုံဘူး ”
“ အထင်မလွဲပါနဲ့ ကြည်သာရယ်
… မောင် တကယ်ပြောတာပါ ၊ ကြည်သာ မယုံဘူးဆိုရင် ဒီဖုန်းနံပါတ်ကို ဆက်ကြည့်လိုက်လေ ”
“ ကောင်းပြီလေ ”
ကျွန်မ မောင့်ဖုန်းဆီ မတ်ဆေ့ခ်ျပို့တဲ့ ဖုန်းနံပါတ်ကို ရိုက်နှိပ်ကာ
ဖုန်းခေါ်လိုက်ပါတယ်။ သိပ်မကြာပါဘူး … တစ်ဖက်က ဖုန်းကိုင်ပါတယ်။ ကျွန်မ ပထမဆုံး ကြားလိုက်ရတဲ့အသံကတော့
ကြည်လင်ချိုမြအသံလေးတစ်သံပါပဲ။ အဲသည်အသံလေးကြောင့် ကျွန်မ မျက်လုံးတွေ ပြူးဝိုင်းသွားရကာ
မျက်ရည်တွေ ဒလဟော စီးကျလာပါတယ်။ မောင်ရယ် … မောင် ပြောတဲ့ နည်းလမ်းကို အသုံးပြုတော့မှပဲ
ပိုပြီးသေချာသွားတော့တယ်။ မောင် ဘာငြင်းဦးမလဲ။ ကျွန်မ ဖုန်းကို မောင့်ထံ ပြန်ပေးလိုက်ကာ
စကားတစ်ခွန်းကို ပြတ်သားစွာ ဆိုလိုက်တယ်။
“ ဒီနေ့ကစပြီး ကျွန်မတို့နှစ်ယောက်
ပြတ်ပြီ မောင် ”
မောင့်ကို ကျောခိုင်းကာ ကျွန်မ ထွက်လာခဲ့တယ်။
#
- # - # - # - # - # - # - # - # - # -#
ကျွန်မတို့နှစ်ယောက်
လမ်းခွဲလိုက်ကြပြီ။ မယုံကြည်မှုဆိုတဲ့ သံသယတစ်ခုအောက်မှာ ကျွန်မ မောင့်ကို အရမ်းချစ်နေတာတောင်မှ
လမ်းခွဲဖို့သတ္တိကို ကျွန်မ မွေးနိုင်ခဲ့တယ်။ အရင်တုန်းက ကျွန်မတို့နှစ်ယောက် အခုလို
ကော်ဖီသောက်ပြီးပြီဆိုရင် မြို့ပြင်ဘက်သွားပြီး ညနေဆည်းဆာ ကြည့်နေကျလေ။ အခုတော့ ဒါတွေဟာ
အဆုံးသတ်သွားပြီ။ မောင့်ကို ကျောခိုင်းလိုက်ပြီဆိုကလည်း ကျွန်မမှာ ကျန်တာဆိုလို့ လွမ်းစရာချည်းပါပဲ။
လွမ်းနေမိမှာပါ မောင် … ဘာလို့လဲဆိုတော့ ကျွန်မ မောင့်ကို အရမ်းချစ်ခဲ့တာလေ။ အရမ်းချစ်ခဲ့လို့လည်း
မယုံကြည်မှုသံသယတွေနဲ့ ကျွန်မ မွန်းကျပ်နေခဲ့ရတာပေါ့။ အဲသည်သံသယတွေကြောင့် ကျွန်မတို့နှစ်ယောက်
ဝေးခဲ့ကြရပြီ။ အခုချိန်ဆို ကျွန်မနှင့် လမ်းခွဲလိုက်ရလို့ မောင် ဝမ်းသာနေမယ်လို့ ကျွန်မ
ထင်ပါတယ်။ ဘာလို့လဲဆိုတော့ မောင်က ကျွန်မကို တကယ်ချစ်ခဲ့တာမှ မဟုတ် …
ကျွန်မအတွေးတွေ
မဆုံးခင်မှာပဲ ကျွန်မဆီ တည့်တည့်ကြီး ဝင်ရောက်လာတဲ့ ကားတစ်စင်းကြောင့် ကျွန်မ မျက်လုံးတွေ
ပြာဝေသွားရတယ်။ သေချာတယ် … ကျွန်မ ရှောင်ချိန်ရမယ် မထင်ဘူး။ ကားက တော်တော်နီးကပ်နေပြီလေ။
ကျွန်မ မျက်လုံးကို စုံမှိတ်လိုက်ပါတယ်။ ရူးမိုက်မှုတစ်ခုဆိုရင်လည်း ကျွန်မကို ရူးမိုက်သူလို့
ဆိုပါတော့။
ဒါပေမယ့်
နောက်က တွန်းလိုက်တဲ့ အားတစ်ခုကြောင့် မှိတ်ထားတဲ့မျက်လုံး ပြန်ပွင့်လာပြီး ကျွန်မ
အဝေးကို လွင့်သွားရတယ်။ ကျွန်မ နောက်ကို ပြန်လှည့်ကြည့်လိုက်တဲ့ အချိန်မှာတော့ ကားတစ်စင်းနဲ့
လူတစ်ယောက် … ကျွန်မ မျက်လုံးကို ပြန်မှိတ်လိုက်မိတယ်။ ကျယ်လောင်တဲ့ ဘရိတ်အုပ်သံကလွဲပြီး
ကျွန်မ ဘာမှမကြားရတော့ … ။ ကျွန်မ မျက်လုံးကို ဖြည်းဖြည်းချင်း ပြန်ဖွင့်ကြည့်လိုက်တဲ့အချိန်မှာတော့
ကားရှေ့မှာ လဲနေတဲ့ မောင်။
“ မောင် … ”
ကျွန်မ မောင့်ဆီ ပြေးသွားပြီး မောင့်ကို ပွေ့ဖက်မိတယ်။
“ မောင် … မောင် ဘာဖြစ်သွားသေးလဲ
၊ မောင် ဘာမှမဖြစ်ရဘူးနော် မောင် ”
“ ဘာမှမဖြစ်ပါဘူး ကြည်သာရဲ့
၊ လက်လေး နည်းနည်းထိရုံလေးပါ ၊ တော်သေးတာပေါ့ … ကားက ဘရိတ်မြန်လို့ ၊ နို့မိုဆို မတွေးရဲစရာပဲ
”
ကျွန်မ မောင့်ကိုဖက်ပြီး တရှုံ့ရှုံ့နှင့် ငိုကြွေးမိတယ်။ မောင်က
ကျွန်မကို ကယ်လိုက်တာတဲ့လေ … မောင့်အသက်ကိုတောင် ရင်းပြီး ကျွန်မကို ကယ်လိုက်တာ။ ဒါဆို
… ဒါဆို မောင်က ကျွန်မကို တကယ်ချစ်တာပေါ့။ မောင်ရယ် … ကျွန်မ မသိခဲ့တာပါ။ ကျွန်မက မောင်
ကျွန်မကို တကယ်မချစ်ဘူးလို့ သံသယဝင်ခဲ့မိတာ။ သံသယဟာ ချစ်နေတဲ့သူ နှစ်ယောက်ကို အလွယ်တကူ
ဝေးကွာသွားစေနိုင်တယ်ဆိုတာ ကျွန်မ သိခဲ့ရပြီ မောင်။
“ ကြည်သာရယ် … မောင့်ကို
အထင်မလွဲပါနဲ့ ၊ မောင် ကြည်သာတစ်ယောက်တည်းကိုပဲ ချစ်မြတ်နိုးခဲ့တာပါ ၊ စောနက ကြည်သာကြားရတဲ့
မိန်းကလေးအသံက ကြည်သာ ဖုန်းနံပါတ်မှားပြီ ခေါ်မိတာ ၊ ဖုန်းနံပါတ်ရိုက်တာ မှားတာ ၊ မောင့်သူငယ်ချင်း
ဖုန်းနံပါတ် မဟုတ်ဘူး ကြည်သာရဲ့၊ မောင့်ကို ယုံပါ ကြည်သာရယ် ”
ယုံပါတယ် မောင်ရယ် … မောင့်ကို ကျွန်မ သံသယကင်းရှင်းစွာ အကြွင်းမဲ့ယုံကြည်လိုက်ပါပြီ။
တစ်ယောက်ကိုတစ်ယောက် တကယ်ချစ်မြတ်နိုးနေတယ်ဆိုတာ သိလိုက်ရတဲ့ အချိန်မှာတော့ ကျွန်မရင်ဘတ်ထဲမှာ
သံသယတွေ လုံးဝကင်းရှင်းသွားပါပြီကွယ်။ မောင် … ကျွန်မတို့ မဝေးတော့ဘူးနော် ။
#
- # - # - # - # - # - # - # - # - # -#
နွေလ
